Wainiha

na Kuana Torres Kahele

 

Kauaheahe kuʻu maka

I ke kuauli o Wainiha

Kau keha ʻo Hinalele

Wehiwehi i nā pali halehale

 

ʻAʻala ka lau luhea

I ka makani Lūpua

Kuʻu lei hili lauaʻe

Pō i ke ʻala o ke awāwa

 

Kani mai ka leo honehone

A ka manu ʻāpekepeke

I lalo iho o ka pali kapu

O Kēʻē i Hāʻena

 

Kū ka nani o kēia ʻāina

ʻO Wainiha i ka mālie

Haʻina mai ka puana

Me ke aloha no Wainiha