Ua Ao Hawaiʻi

na Larry Kimura

 

Kau e ka wena o ke ao i ka lani

He wekeweke i ka pō pilipuka

He ‘elele o ka poniponi hikina

Kau ke kāhe‘a wana‘ao i ka ‘āla‘apapa

La‘i ana i luna o ke kūkulu o ka lani lā

‘O ka‘u ia e huli alo nei i ka ulu ē

‘Ae, ua ao ē

 

Hō mai lā kō mālamalama

I ka honua nei i ka mauli ola

Ua ao Hawai‘i ke ‘ōlino nei

Mai ka pi‘ina a ka welona a ka lā

Kāhiko ‘ia i ka ‘ike manomano

Ka ‘ike kōli‘u mai o kikilo mai

‘O ka‘u nō ia ‘o ka pūlama

A pa‘a ma ka ipu o ka ‘ike ē

‘Ae, ua ao ē

 

He mele no Hawai‘i ua ao

ウア・アオ・ハワイイ

対訳：神保 滋

 

対訳中