JIMBO, Shigeru next planning Visual Image, Hawaiian Culture and Music

Pua ʻAla Aumoe

by Jean Ileialoha Beniamina

 

He pua ʻala ʻoe naʻu

I honi i ke aumoe

ʻO ʻoe ka i pane mai

I kuʻu nui aloha

ʻO ʻoe ka i pane mai

I kuʻu nui aloha

 

He pua kū hoʻokahi

Hoʻohihi na ka lehulehu

Lehu a lehu ka manaʻo

O kuʻu nui aloha

Lehu a lehu ka manaʻo

O kuʻu nui aloha

 

ʻO kāhea wale ana mai

O ka hanu nehe i ka poli

ʻŌlino haʻa mai ana

I kuʻu nui aloha

ʻŌlino haʻa mai ana

I kuʻu nui aloha

 

ʻO ka pua ʻala aumoe

ʻAla huʻi koni māʻeʻele

E ʻane kō ka ʻiʻini

I kuʻu nui aloha

E ʻane kō ka ʻiʻini

I kuʻu nui aloha

 

Puana kēia mele

No ka pua ʻala aumoe

ʻO ʻoe ka i pane mai

I kuʻu nui aloha

ʻO ʻoe ka i pane mai

I kuʻu nui aloha

プア・アラ・アウモエ

対訳:神保 滋

 

 

 

 

 

 

 

 

Copyright NEXT PLANNING 2013 All rights reserved.