JIMBO, Shigeru next planning Visual Image, Hawaiian Culture and Music

Puʻuhonua Nani

by Val Kepilino & Malia Craver

 

Pō nei iaʻu e hoʻolaʻi mālie ana

I ka nani o ka mahina

Lana ka manaʻo i kāu kauoha

I puʻuhonua wahi e maha ai

No nā muʻo kama aloha āu

Nou ka welina e Liliʻuokalani

 

Kaulana ʻiʻo nō ʻo Muʻolaulani

Mālama ola no nā lei

ʻImi ana i kāu ʻiʻini a i ke aloha

Ka naʻauao,  ka noʻeau

Kēia no nā pono no mākou

Mahalo iā ʻoe e Liliʻuokalani

 

Hanohano ʻoe e Kapālama

Ka ʻōpua haʻaheo o ka lewa lani

I laila nō i ʻike maka ʻia

Kou lokomaikaʻi no nā kama

Ua piha lākou me ka hauʻoli

Aloha nou e Liliʻuokalani

 

Haʻina ʻia ka puana i lohe ʻia

Puʻuhonua nani a maikaʻi

Kaʻapuni nei a puni Hawaiʻi

No nā pono ʻana kama lehulehu

Puʻuhonua no ka launa aloha

E mau kou inoa e Liliʻuokalani

プウホヌア・ナニ

対訳:神保 滋

 

 

 

 

 

 

 

 

 

Copyright NEXT PLANNING 2013 All rights reserved.