JIMBO, Shigeru next planning Visual Image, Hawaiian Culture and Music

Mele ʻAilana

by Manu Boyd

 

Ke kani nei nā manu i ke kualono

Pālua ka hoene me ke kāhuli

‘O ka leo ia o Hawai‘i nei

Mele ‘ailana ē

 

Hiolo kahi wailele i nā pali

Ka ‘u‘ina e ‘uhene ana i ka ‘iu

‘O ka leo ia o Hawai‘i nei

Mele ‘ailana ē

 

‘Ōlapa ka uila ku‘i ka hekili

Me he kani pahu ala i ka lani nui

‘O ka leo ia o Hawai‘i nei

Mele ‘ailana ē

 

Ke po‘i a ka nalu no Kahiki mai

Me ke kai nehenehe i ka ‘ili‘ili

‘O ka leo ia o Hawai‘i nei

Mele ‘ailana ē

 

Puana ‘ia mai me ka ha‘aheo

A he ohohia ho‘i na ke aloha

Ho‘olono i ka leo o Hawai‘i nei

Mele ‘ailana ē

 

Mele ‘ailana o Hawai‘i nei

Hawai‘i nei
Aloha ē

 

 

 

 

 

 

Copyright NEXT PLANNING 2013 All rights reserved.