JIMBO, Shigeru next planning Visual Image, Hawaiian Culture and Music

Lei Haliʻa

na Puakea Nogelmeier

 

He ahu aʻo Lanihuli

No ka noe o Nuʻuanu

Nuʻalia i ka pōʻai pali

I ka pā iki mai o ke Kona ē

 

 *He ʻohu i ka lei haliʻa

   ʻAla māpu i ke anuhea

   Hea mai i ke aumoe

   Moemoeā, moe mālie i ka poli ē

 

Luhiehu ka lau o ka palai

Pāpālua i ke kilihuna

Kilihea ka liko ʻāhihi

Hīhīmanu, hihipeʻa me ka maile ē

 

 *hui

 

ʻAuamo ʻo Konahuanui

I ke ao hākumakuma

Kū māhiehie Kilohana

Ua pō i ke ʻala hīnano ē

 

 *hui

 

 

 

 

 

 

 

 

Copyright NEXT PLANNING 2013 All rights reserved.