Keawe ʻOʻopa

mele inoa

 

Halehale ke aloha i Haʻikū ē

Aniani mai ana kona aloha

Ma luna mai aʻo ʻĀwili kū

Ke poʻi a ke kai aʻo Kāpeku

Kai ʻauʻau a ka mea aloha

Kona aloha ka walawala

ʻOni ana ka manawa me he puhi ala

Huhulu iʻi ka hulu o ka manu

ʻO ka ua pehia mai i ka pali

Keawe, Keawe, Keawe ʻoʻopa

Neʻeneʻe nei ma kahakai

ʻO honua nalu ʻo Kamakaʻeha

Ua pae ʻo Kamakaʻeha i ka nalu

Ua pae, ua pae, ua pae

Ua pae ʻo Kamakaʻeha i ka nalu lā

He inoa no Liliʻuokalani

ケアヴェ・オオパ

対訳：神保 滋