JIMBO, Shigeru next planning Visual Image, Hawaiian Culture and Music

Kapilimehana

by C. Manu Boyd

 

ʻO Kapilimehana ʻauhea wale ʻoe

E maliu i ka heahea ʻana mai

He ʻeu ka ʻanoʻi wela i ka piko

Hōʻolu mai hoʻi ē

Hōʻolu mai hoʻi ē

 

E ka pā aheahe ʻīnikiniki mālie

Kai lawe mai iaʻu ka hoʻohihi

E mai ana e ke ahe me he ipo ala

He pono hoʻi kāua

He pono hoʻi kāua

 

Maikaʻi ke anu i ka Nuʻuanu

Noenoe i ke kapa ʻohu o luna

Uhiuhi ke ahu welo aʻo Hina

Lawe mālie i ka pō

Lawe mālie i ka pō

 

Nani wale ka ʻikena o ka lā piʻi

Ka wena lamalama ʻolu i ka poli

Ua ala ke aloha ma ka hikina

A e piʻo mau i nā lani

A e piʻo mau i nā lani

 

Eia ka puana o ka mele wehi

No Kapilimehana e ō mai

I laila i kahi hele ʻole ʻia

E nanea hou i ka laʻi

E nanea hou i ka laʻi

 

 

 

 

 

Copyright NEXT PLANNING 2013 All rights reserved.