HALE AO by JIMBO, Shigeru Visual Image, Hawaiian Culture and Music

Kaihekūlani

na Cody Pueo Pata

 

I ka luna māua aʻo Kōkeʻe

Lei haʻaheo ana i ka maile lau liʻiliʻi

Me ka ua liʻiliʻi e noe paʻa nei

Me ke ʻala lipolipo lau o ka ʻawapuhi

 

ʻOni ana ʻo Līhuʻe me Kapaʻa mai i hope

ʻO Kalalea me Konanae aʻo Anahola

ʻO Hanalei me Wainiha i ka waiho mālie

Kū mai Makana i Hāʻena, aʻe huli hoʻi mai

 

ʻO Ka Wai Hanini Lani ke ninini ʻia ana

He loloku hāʻeloʻelo, he hoʻoluheluhe

Mea ʻole ka hāʻale i ke kumu o ka hana

I ke kani hone a nā manu, leo o nā makamaka

 

Poina ʻole e ke one aʻo Poʻipū

He ʻāina pumehana i ke alo o Kōloa

Me ke aloha o nā pua aʻo Kalaheo

Me ka ʻaʻala kūpaoa sweet lei mokihana

 

Puana kuʻu mele i ka haʻina

Lei haʻaheo ana i ka maile lau liʻiliʻi

Me ka ua Liʻiliʻi e noe paʻa nei

He hoʻoheno kēia no Kaihekūlani

カイヘクーラニ

対訳:神保 滋

 

 

 

 

 

 

 

 

 

Copyright NEXT PLANNING 2013 All rights reserved.