JIMBO, Shigeru next planning Visual Image, Hawaiian Culture and Music

Kahalaopuna

by Robbie Cabral, Manu Boyd, Kenneth Makuakāne

 

Hanohano wale nō ʻoe

E ke ānuenue o Mānoa

Kū kamahaʻo ʻo Kahalaopuna

Pua lei a ka ua me ka makani

 

Piʻo maila i ka lani ākea

Kou nani e hōʻike ʻia nei

Ilihia ka manaʻo ke ʻike aku

I ke awaiāulu a ke aloha

 

Hiʻipoli ʻia e Mahana

I ka haka ʻolu a i ka piʻina

ʻO Kawaiakahalaopuna

I laila ka mahalo nui nou

 

Na ka ʻaumakua ʻo ka pueo

E alakaʻi i ke ala o ke ola

A he nani mae ʻole kou

Pau ʻole ka nohona i ke ao

 

Haʻina ʻia mai ka puana

No ke ānuenue o Mānoa

Kū kamahaʻo ʻo Kahalaopuna

Pua lei a ka ua me ka makani

 

 

 

 

 

Copyright NEXT PLANNING 2013 All rights reserved.