Ka Weuweu No Ke Kuahu

 

Haki Pū O Ka Nāhelehele

 

Haki pū o ka nāhelehele

Haki hana maile o ka wao

Hoʻoulu lei ou, ʻo Laka ē

ʻO Hiʻiaka ke kāula nāna e hoʻoulu nā maʻi

A ʻaeʻae a ulu a noho i kou kuahu

Eia ka pule lā, he pule ola

He noi ola nou ē

E ola iā mākou, ʻaʻohe hala

 

Pūpū Weuweu E Laka Ē

 

Pūpū weuweu e Laka ē

ʻO kona weuweu ke kū nei

A ʻo Laka me Laukaʻieʻie

Lāua me ka ʻawapuhi

Noa

 

Noho Ana Laka I Ka Uluwehiwehi

 

Noho ana Laka i ka uluwehiwehi

Kū ana i luna ʻo Moʻohelāia

Ka ʻōhiʻa kū i luna ʻo Mauna Loa

Aloha mai Kaulanaʻula iaʻu

Eia ka ʻula lā, he ʻūlāleo

He mōhai e kānaenae naʻu iā ʻoe

E Laka ē

Hoʻoulu ia

カ・ヴェウヴェウ・ノ・ケ・クアフ

対訳：神保 滋