JIMBO, Shigeru next planning Visual Image, Hawaiian Culture and Music

Ka Poli O Waimea

na Kaiponohea Hale

 

Mau loa ke aloha

I ka ʻolu kīpuʻupuʻu

ʻO ka poli o Waimea

Maʻemaʻe wale i ka nani

 

Ahuwale nō ka manaʻo

I ka uhiwai o uka nei

Iho maila i ka laʻi

Hiaʻai wale i ka maka

 

Hoihoi ke kilo lani

I ke anu o ka pō mahina

ʻO nā hōkū welowelo

Kamahaʻo ke ʻike mai

 

Hiʻipoi ke aloha

O nā pua kau i ka uluwehi

Na ke ʻala onaona

E moani mai i ka ihu

 

Kauaheahe ka makani

Ka mālie o ka lā mehana

Ua pili kāua

E ka liko lei makamae

 

Haʻina mai ka puana

I ka ʻolu kīpuʻupuʻu

ʻO ka poli o Waimea

Maʻemaʻe wale i ka nani

<解説>

 

 

 

 

 

Copyright NEXT PLANNING 2013 All rights reserved.