HALE AO by JIMBO, Shigeru Visual Image, Hawaiian Culture and Music

Ka Hula Papa Holoi

by Puakea Nogelmeier

 

E kiʻi i ka papa holoi a

Lawe maila i ka lole lepo

Mai poina i ka pā kopa

I ka lā holoi

Hoʻonoho i ke pā kini

Hōʻā aku i ka wahie

Paila i ka wai ā welawela

I ka lā holoi

 

*Lilo naʻe ka manaʻo

  I ke kani ʻoluʻolu

  O ka lima waʻuwaʻu

  I nā waʻawaʻa

  ‘Upu aʻe ka ‘iʻini

  I ka hula leʻaleʻa

  Hone mai ka pila

  Me ka papa holoi

 

Kau ka lole i ka pā kini

Māpu mai ke ‘ala kolū

Paʻipaʻi aku i ka lole

Ā laila holoi

Hopuhopu aku i ka wai

Kiʻi aku i ‘āpana lole

‘Upaʻupā iho i ka papa

Holo ka holoi

 

*hui

 

He ha‘ina mai koe

A me ka puana aku

He hana pono ia

I ka lā holoi

Ha‘ina ‘ia mai

Ana ka puana lā

Hiki nō ke hana leʻa

I ka lā holoi

 

*hui

 

 

 

 

 

 

Copyright NEXT PLANNING 2013 All rights reserved.