HALE AO by JIMBO, Shigeru Visual Image, Hawaiian Culture and Music

Ka Hīnano O Puna

by Kainani Kahaunaele

 

ʻO ka hīnano o Puna kuʻu liʻa

E lauwiliwili ai ka ʻiʻini

Nipo ninipo hoʻi i ke aloha

Ka lehua haʻalewa lā i ke kai

 

ʻO ke kai nehe mai i ka uluhala

E hoʻohenoheno nei i kuʻu nui kino

No Puna ka makani Moaniʻala

E halihali ana i kuʻu haʻehaʻe

 

ʻEnaʻena Puna i ke ahi a Pele

ʻUʻina lā ka huaʻina i Puʻu ʻŌʻō

Puʻo ke ahi lapalapa i luna

Pūnohunohu i ke ano ahiahi

 

Haʻina ʻia mai ana ka puana

No ka hīnano o Puna paia ʻala

Haʻina hou mai ana ka puana

No ka hoa lūlana moe i ke ala

 

 

 

 

 

Copyright NEXT PLANNING 2013 All rights reserved.