HALE AO by JIMBO, Shigeru Visual Image, Hawaiian Culture and Music

Kīpū Kai

by Mary Kawena Pukuʻi, Maddy K. Lam

 

 

No Kīpū Kai ke aloha

Home i ka pili kahakai

I laila au i ʻike ai

I ka nui lokomaikaʻi

 

Nanea i ka hoʻolohe

I ka halulu mai o ke kai

Ka nalu nui e holu ana

I ka lae aʻo Kuahonu

 

Pau ʻole koʻu hoʻohihi

I ka nani aʻo Hāʻupu

Mauna kiʻekiʻe i luna

Hanohano ke ʻike aku

 

Makemake wale ka ʻikena

I nā manu pīkake nani

E kakaʻi e haʻaheo ana

I ka malu aʻo ke kiawe

 

Puana ʻia me ke aloha

No ka nani aʻo Hāʻupu

Me Keaka lokomaikaʻi

Ka haku aʻo Kīpū Kai

 

 

 

 

 

Copyright NEXT PLANNING 2013 All rights reserved.