home
hōʻike DVD
ʻukulele lesson
ʻōlelo Hawaiʻi
hula songs
live info.
schedule
CDs &
books
hoaloha
gallery
nā mele
archives
He Inoa No Lele
Aia ka laʻi i nā pali lā
Ke ahi ʻoni o Kamaile lā
Ke ō mai lā i Nuʻalolo lā
Ke nihi aʻe lā i Anaki lā
Kiʻina nā kalo a Ola lā
Aia i ka poli o Mākua lā Waikūʻauhoe i ke kai lā
I ke kai anu o Koʻamano lā
Kuʻu lei lauaʻe i nā pali lā
Ke kui mai lā i ka nahele lā
Kāhiko i ke one o Luhi lā
Aia i Makana ke ʻala lā
ʻO ka oʻi kēlā o nā pali lā
Ke hoʻi nei nō e pili lā
I ka poli laʻi o Hālaulani lā
ʻAkahi lani a ke aloha lā
Kuʻu pua kamalei he manaʻo lā
He inoa kēia no Lele lā
Aia ka laʻi i Hauola lā
I ka inuwai o Wailua lā
He wahine hukikao e nonoho lā
I ke kalukalu o Kēwā lā
I ke ehu kai o Anehola lā
I ke one aloha o kuʻu kama lā
Aia ka nani i Kalalea lā
I ka maka o ka moku i Oʻahu lā
ʻAʻahu Kaʻala i ka noe lā
Ke hone aʻe lā i Līhue lā
Ke honi mai lā i ke ʻala lā
I ke kupukupu o Kaiona lā
Onaona nā pua i ka laʻi lā
I ka uluwehi o ke Kaona lā
He inoa kēia no Lele lā
He wahine inuwai haʻaheo lā
I ke ano ahiahi i Honolulu lā
Ua laʻi, ua kuke, Ianeke lā
I ka hoʻopili ana i ka uapo lā
Ua malu ko kino noho nani lā
I ka malu hale o Hale-roke lā
Noho mai Hāʻupu i ka laʻi lā
I ka luna wale o Kemamo lā
Paʻa mai Nounou i ka ʻohu lā Kāhiko i ke kapa o ka nahele lā Alo mai Pueo i ka ʻino lā
Pūkuʻi i ke anu a ka hau lā
He aloha nā pali hulilua lā
Huli mai kana e pili lā
ʻOiai ke aloha i ke kino lā
He inoa kēia no Lele lā
Aia ka laʻi i Haʻehaʻe lā
I ka lā hiki ma Kumukahi lā
ʻAkahi ke aloha i ka ipo lā
I ke kū kilakila i Mālama lā Mālama ʻia mai ke ʻala lā
Ke kiʻina lā e ka manu lā
Me nā lehua i Makanoe lā
Noenoe aloha i Hōpoe lā
Kuʻu lei lehua i Mokuola lā
E ola kuʻu kama i ka wai lā
A kau i ka pua aneane lā
He inoa kēia no Lele lā
Aia ka laʻi i Kauwiki lā
I ka ihu o ka waʻa i Hawaiʻi lā
Ke eku mai lā i ka moana lā
Ma ke komokana o Maui lā
Ka hikina a ka lā i nā moku lā
Noho mai Lilinoe i ka uka lā ʻAʻahu i ke kapa o ka hau lā Hoʻolaʻi ka wahine i ka noe lā Nānā i ke kai o Ehuoi lā
E hui ka laʻi i Haili lā
I ke one kaha o Punahoa lā
He inoa kēia no Lele lā
Aia ka laʻi i Piʻiholo lā
I ka ua ʻūkiu o Kalena lā
Ke nihi mai lā i nā pali lā
I ka malu kukui o Kāpela lā Kāhiko Kokomo i ka ʻohu lā
ʻO ka hone aʻe a ka nāulu lā
I ka luna wale o Lauʻulu lā
Uluwehiwehi ka wahine lā
I ka laʻi wale o Pōkele lā
Noho ana ka wahine i Lilikoʻi lā Ka malu kukui lau koa lā
Ka wahine ʻaʻala i ka hīnano lā
Ke wehe mai lā i ka paila lā
Uhiuhi i ka lau māmane lā
I ʻolu ka ihona o ke kula lā
Inu aku i ka wai i Mauʻoni lā
He inoa kēia no Lele lā
Aia ka laʻi i Nuʻuanu lā
I ka liko wale o ka nahele lā
I ka noe aloha i nā pali lā
I ka luna wale o Lanihuli lā
I ka hoa pili o ke Kāwelu lā
Ke holu mai lā i ka makani lā
Kani hala ʻole aʻe nā manu lā
Ka noho nani aia pua lā
Ke Kamakahala i ka uka lā
Hala aʻe nā paka ua o ka ino lā
I nā lā mua o ke kau lā
A kau ā kau kāua lā
I ka hana a nā kūpuna lā
He inoa kēia no Lele lā
Aia ka laʻi i Waipiʻo lā
I ka pali kapu a Olopana
Ka luna aku o Puʻukapu lā
Ua kapu ka nahele i Mahiki lā
Ua hiki ua anu Waimea lā
Ka ua kokoʻula i ke pili lā
Ke pili wale o Puʻupā lā
Ke pā mai nei ka makani lā
Ka ʻōlauniu o ke Kaha lā
Hoʻokaha kuʻu kama i ka wai lā
I ka wai o Luahinewai lā
He inoa kēia no Lele lā
ヘ・イノア・ノ・レレ
対訳:神保 滋
広
告
広
告
Copyright NEXT PLANNING 2013 All rights reserved.