HALE AO by JIMBO, Shigeru Visual Image, Hawaiian Culture and Music

Hāmākua Kihi Loa

by Kuana Torres Kahele

 

ʻO Hāmākua kihi loa

ʻĀina i ka wakawaka

Kahi o nā manu ʻiwa

E hoʻolaʻilaʻi ai

 

E ʻike aku i ka nani

Kahi wailele o ʻAkaka

Mākaʻikaʻi mau ʻia

E ka poʻe malihini

 

Kaulana nō ʻo Hakalau

Noho mai i ke onaona

Ke kai neʻe mālie

Nehenehe i ka ʻiliʻili

 

Uliuli mau ʻo Umauma

Heha i ka noe polohina

I laila au e ʻike ai

I ka maile aʻo ia uka

 

Hanohano hoʻi Waipiʻo

I ka ua Waʻawaʻahia

Pāhihi mai ʻo Hiʻilawe

He nani poina ʻole

 

Haʻina mai ka puana

ʻO Hāmākua kihi loa

Kahi o nā manu ʻiwa

E hoʻolaʻiʻai ai

 

 

 

 

 

Copyright NEXT PLANNING 2013 All rights reserved.