JIMBO, Shigeru next planning Visual Image, Hawaiian Culture and Music

A He Nani Kauaʻi

by Johnny Lum Ho

 

 *Lei ana i ka lei

   Nani mokihana

   Hanohano wale hoʻi

   ʻOe e Līhue

 

A he nani Kauaʻi i ka mālie

Kuahiwi kilakila Waiʻaleʻale

Waiʻaleʻale kupu kela ke poʻo

Ke ʻike ʻoe i lalo ʻo Maunahina

 

 *hui

 

A he nani Hanalei i ka ua nui

E pakika ē ka limu o Manuakepa

Pā ana ka makani i ka ʻehu kai lā

Kaulana i ke one kani o Nohili

 

   Nani Waimea

   Kuʻu lei aloha

   Ka lehua makanoe

   I uka o Kōkeʻe

 

A he nani Kekaha laʻi ka mālie lā

Ke kumu pūhala i kahi mehameha

Mehameha nō hoʻi ʻoe ma ke kai lā

Nani nā wai hoʻoluʻu

 

   ʻO ka hua

   ʻO ka hala

   He nani kuʻu lei

   Kau poʻohiwi

 

Haʻina ʻia mai ana ka puana lā

A he nani Niʻihau o kahelelani

Hiehie nō ʻoe me ka lei nani lā

Pūpū ʻo kahelelani

 

   Ua ʻike hoʻi ʻoe

   Ma Kekaha nei lā

   Kauaʻi i ka mālie

ア・ヘ・ナニ・カウアイ

対訳:神保 滋

 

 

<解説>

 

 

 

 

 

 

Copyright NEXT PLANNING 2013 All rights reserved.