HALE AO by JIMBO, Shigeru Visual Image, Hawaiian Culture and Music

ʻO Kōkeʻe

by Kale Hannahs

 

Aia i ka ua, a i ka uka ʻo Kōkeʻe

Noho maila i ka nani ʻo Koamalu

Kū kilakila ʻo Nāpali

Me ka lei lani o ka Lawakua o uka

Noho malie i ka ʻāina lani nō

Hoʻomalu ʻia e ke koa

Puni au i ka nani o ka ʻāina

Aia i ka ua, a i ka uka, ʻo Kōkeʻe

 

Aia i ke anu, a i ka mehana, ʻo Kōkeʻe

Nani kamahaʻo ʻo Koamalu

Huna ʻia ʻo Kalalau ma Nāpali

Me ka welo ʻana o nā ʻōpua o ia wahi makamae

Kū ka maoli ola o ka ʻāina nani nō

I laila i ka poli o ka mauna

Puni au i ke kani o nā manu

Aia i ke anu, a i ka mehana, ʻo Kōkeʻe

 

Aia i ka pō, a i ke ao, ʻo Kōkeʻe

He hale kipa ʻolu ʻo Koamalu

Kupaianaha ka lewa ʻo Nāpali

Me ke ʻala o nā pua ʻawapuhi

Nui nā mea e ulu ai ka manaʻo

I laila i ka uka kaulana

Puni au i ke aloha ʻo Koamalu

Aia i ka pō, a i ke ao, ʻo Kōkeʻe

 

Aia i ka ua, a i ka uka

I ke anu, i ka mehana

Aia i ka pō, a i ke ao, ʻo Kōkeʻe

 

 

広

 

告

 

広

 

告

 

Copyright NEXT PLANNING 2013 All rights reserved.